02 янв 11:14
Янгиликлар

Теннис

Наоми Осака "декрет"дан қайтди

Оналик бахтига муяссар бўлган япониялик теннисчи фаолиятини қайта тиклади.

Айни пайтда дунёнинг 661-ракеткаси бўлиб турган Наоми Осака Австралиянинг Брисбен шаҳрида ўтказилаётган турнирдаги иштирокини ғалаба билан бошлади. У илк даврада WTA рейтингида 84-поғонадан жой олган германиялик Тамара Корпачдан 6/3, 7/6(9) ҳисобида устун келди.

Бу теннисчиларнинг ўзаро ўтказган илк учрашуви эди. Давомийлиши 1 соату 50 дақиқалик баҳсда Осака 5 та эйс, 1 та қўшхато ва 4 та брейк қайд этди. Энди Осака иккинчи босқичда чехиялик Каролина Плишковага қарши кортга чиқади.