Нассурдин Имавов Роберт Уиттакерга "вызов" ташлади

Франциялик аралаш яккакураш устаси австралиялик жангчига қарши октагонга чиқиш истагини билдирди. Бу ҳақда унинг ўзи ижтимоий тармоқдаги саҳифасида хабар қолдирган. Имамов Уиттакернинг россиялик Икрам Алискеровга қарши UFC on ABC 6 турнирида ўтказган жангига ҳам муносабатини билдирди. 

"Рақиб ким бўлишининг фарқи йўқ. Исталган вақт ва манзилда. Роберт Уиттакер, 28 сентябрь, Париж", - дея хабар қолдирган келиб чиқиши доғистонлик бўлган Нассурдин.

Роберт Уиттакер куни кеча Ар-Риёд шаҳрида ўтган жангнинг илк раундидаёқ Икрам Алискеровни нокаут эвазига мағлубиятга учратган эди. Уиттакер жангдан кейин берган интервьюсида 17 август куни Австралиянинг Перт шаҳрида ўтказиладиган UFC 305 турнирининг марказий тўқнашувига захира жангчиси бўлишга тайёрлигини айтганди. Марказий жангда чемпион Дрикус Дю Плесси ҳамда собиқ чемпион Исраэль Адесанья ўртасида бўлиб ўтади.