14 июл 11:40
Янгиликлар

Бокс/ММА

Нассурдин Имавовнинг навбатдаги рақиби, жанг санаси ва манзили маълум

Ўрта вазн тоифаси етакчиларидан бири Нассурдин Имавовнинг навбатдаги жанг тафсилотлари маълум бўлди.

Франция шарафини ҳимоя қилиб келаётган аралаш яккакураш устаси 28 сентябрь куни Париж шаҳрида ўтказиладиган UFC турнирида Брендан Алленга қарши октагонга чиқадиган бўлди.

Маълумот учун, 29 ёшли Нассурдин Имавов охирги иккита жангида ғалабага эришган. У Роман Долидзени очколар ҳисобига кўра мағлуб этган бўлса, Жаред Каннонирни тўртинчи раундда техник нокаутга учратган эди.

Америкалик 28 ёшли Брендан Аллен эса 7 та ғалабали серия билан келмоқда. Сўнгги жангида Крис Кёртисни ҳакамлар қарорига кўра таслим этганди. Айни пайтда Имавов UFC ўрта вазнлилар рейтингида тўртинчи, Аллен эса еттинчи ўринни эгаллаб турибди.