14 янв 11:44
Янгиликлар

Спорт курашлари

Навоийда аёллар кураши бўйича хотира турнири бошланди

Бугун Навоий вилояти эркин кураш асосичиларидан бири, халқаро тоифадаги спорт устаси Ибодулло Эргашев хотираси учун ҳамда 14 январь - Ватан ҳимоячилари куни муносабати билан мусобақа старт олди.

Навоий шаҳридаги Яккакураш турларига ихтисослаштирилган болалар ва ўсмирлар спорт мактаби залида ўтказилаётган турнирда 2002-2004, 2005-2006, 2007-2010 йилларда туғилган ўсмирлар, ёшлар ва кичик ёшдаги ўсмир қизлар иштирок этмоқда.

Хотира турнирида Бухоро, Самарқанд, Жиззах вилоятлари, Тошкент шаҳри ҳамда Навоий вилоятининг барча туманларидан курашчи қизлар мусобақа медаллари учун беллашишяпти. Ғолиблар куннинг иккинчи ярмида аниқланади ва уларга ташкилотчилар томонидан медаль, диплом ва қимматбаҳо совғалар топширилади.