21 дек 20:52
Янгиликлар
Бокс/ММА
Навоийда ММА бўйича Ўзбекистоннинг энг кучли спортчилари аниқланди
Навоий шаҳридаги "Сўғдиёна" спорт мажмуасида аралаш жанг санъати (ММА) бўйича Ўзбекистон чемпионати бўлиб ўтди.
Қизиқарли ва юқори темпда ўтган мусобақа 18-21 ёшлар ўртасида ҳамда 21 ёшдан юқори бўлган катталар ўртасида ташкил этилди. Турнир республикамизнинг барча вилоятларидан 320 нафардан ортиқ қиз ва йигитларни жамлади.
Кутилган ва кутилмаган натижаларга бой бўлган ушбу мусобақа келаси йил БАА давлатида бўлиб ўтадиган Жаҳон чемпионатига терма жамоа аъзоларини саралаб берди.
Мусобақа сўнггида эса ғолиб ва совриндорларга Аралаш жанг санъати ассоциацияси (ММА) томонидан эсдалик совғалари ва медаллар топширилди. Тақдирлаш маросимида Аралаш жанг санъати бўйича Ўзбекистон терма жамоаси мураббийлар штаби ҳам иштирок этди.
Ҳавола :
Манба : olamsport.com
Фикрлар