Расман! Маҳмуд Мурадов янги йил олдидан чемпионлик жанги ўтказади

Ҳамюртимиз 29 декабрь куни Чехия пойтахти Прагада жойлашган O2 Arena мажмуасида ташкил этиладиган Oktagon 100 турнирида иштирок этади.

Маҳмудга ўша куни ўрта вазн тоифасининг амалдаги чемпиони Кшиштоф Йотко рақиблик қилади. Жанг чемпионлик камари учун кечади.

Мурадов ҳозирда ушбу вазн тоифасида Interim, яъни вақтинчалик чемпионлик камарига эгалик қилади.

Маълумот учун, Кшиштоф Йотко фаолияти давомида 36 та жанг ўтказиб, 30 та ғалаба ва 6 та мағлубият қайд этган. Ҳамюртимиз Маҳмуд Мурадов ҳисобида эса 30 та ғалаба ҳамда 8 та мағлубият мавжуд.