Навоийда янги қурилган дзюдо залининг тантанали очилиш маросими бўлиб ўтди + ФОТО

Тадбирда Ўзбекистон Республикаси Президенти маслаҳатчиси А.Абдувоҳидов, Халқ таълими вазири Бахтиёр Саидов, Навоий вилояти ҳокими Н.Турсунов, Навоий вилояти ҳокими ўринбосари С.Мирзаев ҳамда масъул ташкилот аъзолари иштирок этишди.

Бугунги кунда Навоий вилоятида 1100 нафардан зиёд ёшлар спортнинг дзюдо спорт тури билан мунтазам шуғулланиб келмоқда. Спортчиларнинг 28 нафари Ўзбекистон терма жамоаси аъзоси ҳисобланади. Бу кўрсаткичларни янада ошириш мақсадида қурилган мажмуада ёшларимиз дзюдо билан профессионал тарзда шуғулланишлари учун барча имкониятлар яратилган. 

Тадбирда спортчи ёшлар ўзларининг кўргазмали чиқишлари билан барча меҳмонларга янда кўтаринки кайфият бахш этди. Шунингдек, иштирокчиларга ташкилотчилар томонидан эсдалик совғаИари тақдим этилди. Ишонамизки, келгусида мазкур дзюдо спорт мажмуасидан ҳам номдор спортчилар, жаҳон, Осиё ва Олимпияда чемпионлари етишиб чиқади.