30 июн 14:50
Янгиликлар

Дзюдо

Навоийда 200 000 000 сўм мукофот пулига эга “Uzbekistan Judo Tour” мусобақаси бўлиб ўтмоқда

Айни дақиқаларда Навоий шаҳридаги НКМК спорт мажмуасида дзюдо бўйича катталар ўртасида “Uzbekistan Judo Tour” мусобақаси ўтказиляпти.

Ўзбекистон Республикаси Президентининг “Дзюдо спорт турини янада ривожлантириш чора-тадбирлари тўғрисида” 2022 йил 20 июндаги қарори ижросини таъминлаш мақсадида “Uzbekistan Judo Tour” туркум мусобақасига старт берилганди.

Умумий микофот жамғармаси 200 миллион сўмни ташкил этувчи “Uzbekistan Judo Tour” турнирида асосий оғир вазн тоифаси вакиллари татамига чиқяпти. Иштирокчилар орасида Париж-2024 Олимпиадаси совриндори Алишер Юсупов, шунингдек бошқа таниқли дзюдочиларимизнинг борлиги мусобақага бўлган қизиқишни оширди.

Маълумот учун, 2026 йилнинг ёзига қадар Қорақалпоғистон Республикаси, барча вилоятлар ҳамда Тошкент шаҳрида ушбу турнирнинг ўтказилиши белгиланган. Бугунгача Бухоро ва Наманган вилоятлари мусобақага мезбонлик қилди.