Неймар ваъдасида турди. "Сантос" сўнгги турда йирик ғалабага эришди ва Элитадаги ўрнини сақлаб қолди

Ушбу турда "Сантос" "Крузеро"ни меҳмон қилди ва йирик 3:0 ҳисобида ғалаба қозонди. Бугунги ғалабадан сўнг "Сантос"  мавсумни 12-ўринда якунлади ва келаси мавсумда Жанубий Америка кубогида қатнашиш ҳуқуқини қўлга киритди.

Эслатиб ўтамиз, уч тур аввал Неймар жиддий жароҳат олган ва унга шифокорлар ўйнашни тақиқлаб қўйганди. Бироқ бразилиялик юлдуз жамоасини А Серияда олиб қолиш учун оғриқ қолдирувчи уколлар ёрдамида майдонга тушди ва учта турнинг барчасида тўлиқ ҳаракат қилди.

Бу ўйинларда Неймар жами 5 та гол урди ва 1 та ассист қайд этди.