02 мар 09:28
Янгиликлар
Бокс/ММА
Нганну ММАга қачон қайтишини айтди
Оғир вазн тоифасида собиқ UFC чемпиони Фрэнсис Нганну ММАга қайтиш нияти борлигини маълум қилди.
Бироқ бунинг учун у аввал бокс жангида иштирок этишини айтди.
"Албатта ММАга қайтаман. Бироқ бокс жангидан олдин эмас. Ҳозир қайтишдан олдин боксда ўзимни синаб кўришни истайман. Ҳеч бўлмаса битта жанг. Ундан кейин ММАга қайтаман", - деди Нганну.
Фрэнсиснинг октагондаги сўнгги жанги ўтган йилнинг январь ойида бўлиб ўтганди. Ўшанда у Сириль Ганни мағлуб этган эди. Яқинда Нганну UFC промоушенини тарк этди ва оғир вазн бўйича чемпионлик камарини эгасиз қолдирди.
Умумий ҳисобда у 20 та жангда иштирок этиб, шуларнинг 17 тасида (12 нокаут) ғалабага эришган ва 3 марта мағлуб бўлган.
Ҳавола :
Манба : The Schmo
Фикрлар