Нигина Абдураимова Дубайда номдор рақибасини таслим этди

Мукофот жамғармаси 100 000 АҚШ долларини ташкил этувчи ушбу турнирда ҳамюртимиз Нигина Абдураимова ҳам ўз имкониятини синаб кўрмоқда. Мамлакатимизнинг биринчи ракеткаси илк даврада германиялик тажрибали теннисчи Сабин Лисицкига қарши кортга чиқиши ҳақида хабар берган эдик. 

Ҳозиргина ушбу баҳс якунига етди. Унда Абдураимова 34 ёшли Лисицкини 6/3, 6/4 ҳисобида мағлубиятга учратди. Сабин фаолияти давомида икки бор (бири яккаликда, иккинчиси жуфтликда) "Катта Дубулға" туркумига кирувчи Уимблдон турнири вице-чемпионига айланган, 8 та WTA турнирида бош совринни қўлга киритган эди. 

Таққослаш учун, Абдураимова WTA рейтингида 245, Лициски эса 306-ўринни эгаллаб турибди. Бу теннисчиларнинг ўзаро ўтказган илк учрашуви бўлади. Нигинанинг иккинчи босқичдаги рақибаси Гергана Топалова (Болгария) - Екатерина Макарова (Россия) учрашувида аниқланади.