13 апр 10:31
Янгиликлар

Теннис

Нигина Абдураимова жуфтлик турнири финал остонасида мағлуб этилди

Швейцариянинг Беллинцона шаҳрида теннис бўйича W75 тоифасига кирувчи турнир бўлиб ўтмоқда.

Мукофот жамғармаси 75 000 долларни ташкил этувчи ушбу мусобақада Нигина Абдураимова ҳам қатнашди. Яккаликдаги иштирокини иккинчи даврада якунлаган мамлакатимизнинг биринчи ракеткаси жуфтлик мусобақасининг 1/2 финалида юришини тўхтатди.

Франциялик Карол Монеет билан жуфтлик ҳосил қилган ҳамюртимиз 1/2 финалда америкалик опа-сингил теннисчилар - Кармен ва Ивана Корлей ҳамкорлигига 3/6, 4/6 ҳисобида ютқазиб қўйди.