Нигина Абдураимова жуфтликда 1/2 финалга чиқди

Ушбу мусобақада ҳамюртимиз Нигина Абдураимованинг ҳам иштирок этаётгани ҳақида хабар берган эдик. Теннисчимиз яккаликнинг иккинчи даврасида латвиялик теннисчига имкониятни бой бериб қўйгач, бор эътиборини жуфтликдаги иштирокига қарата бошлади. 

Франциялик Эстель Каскино билан учинчи рақамли жуфтликни ҳосил қилган Нигина 1/8 финалда франциялик Осеан Бабел ҳамда швейцариялик Себастьянна Скилипоти ҳамкорлигидан 7/5, 6/2 ҳисобида устун келди. Саксон бир дақиқа давом этган 1/4 финалда эса швейцарияликлар Каролина Казакова ҳамда Алина Гранвир тандеми 7/5, 6/3 ҳисобида мағлуб этилди.

Бугун Нигина ва Эстель финал чиптаси учун турнирнинг иккинчи рақамли жуфтлиги - руминиялик Андреа Миту ва аргентиналик Надья Подороскага қарши кортга чиқади.