Нигина Абдураимова Калви турнири 1/2 финалида!

Мукофот жамғармаси 50 000 долларни ташкил этувчи ушбу мусобақада Нигина Абдураимова ҳам ўз имкониятини синаб кўряпти. Қувонарлиси, бироз аввал якунига етган 1/4 финал учрашувида дунёнинг 239-ракеткаси бўлиб турган ҳамюртимиз ғалаба қозонишга муваффақ бўлди. 

Турнирда учинчи рақам остида таснифланган теннисчимиз мусобақанинг саккизинчи ракеткаси, WTA рейтингида 283-поғонадан жой олган чехиялик 19 ёшли Линда Климовичовани 6/4, 6/3 ҳисобида таслим этди. Етмиш етти дақиқалик баҳсда Абдураимова 1 та эйс зарбасини амалга ошириб, 2 та қўшхатога йўл қўйди. 

Энди Нигина эртага турнирнинг биринчи ракеткаси Дарья Сингурга қарши кортга чиқади. Украиналик теннисчи ҳозирда WTA рейтингида 132-поғонадан жой олган бўлиб, 1/4 финалда россиялик Виктория Канни 6/3, 6/0 ҳисобида енгди.