24 апр 09:40
Янгиликлар

Теннис

Нигина Абдураимова Лопотада муваффақиятли старт олди

Грузиянинг Лопота шаҳрида теннис бўйича W50 тоифасига кирувчи турнир бўлиб ўтмоқда.

Мукофот жамғармаси 50 минг долларни ташкил этувчи ушбу мусобақада ҳамюртимиз Нигина Абдураимова ҳам ўз омадини синаб кўряпти. Мамлакатимизнинг биринчи ракеткаси илк даврада япониялик Наги Ҳанатанини ортиқча қийинчиликсиз мағлубиятга учратди - 6/4, 6/1.

Маълумот учун, WTA рейтингида 715-поғонада бораётган Наги асосий тўрга саралаш баҳслари орқали етиб келганди. Дунёнинг 232-ракеткаси бўлиб турган Абдураимова Лопота турнирида учинчи рақам остида таснифланган. Бугун у 1/8 финалда WTA рейтингининг 419-поғонасини банд этган исроиллик Лина Глушкога қарши кортга чиқади.