16 июл 11:41
Янгиликлар

Теннис

Нигина Абдураимова Нур-Султонда 1/2 финал учрашувида кортга чиқди

Қозоғистон пойтахти Нур-Султон шаҳрида ўтказилаётган теннис бўйича аёллар ўртасидаги турнир ўзининг ҳал қилувчи палласига кирди.

Бироз аввал мамлакатимизнинг биринчи ракеткаси Нигина Абдураимова иштирокидаги 1/2 финал учрашуви якунига етди.

Учинчи рақам остида сараланган теннисчимиз "W25 Nur-Sultan 2" мусобақаси финал чиптаси учун кечган баҳсда турнирнинг биринчи ракеткаси, япониялик Моюка Учижимага 4/6, 2/6 ҳисобида имкониятни бой бериб қўйди.

Таққослаш учун, айни пайтда Абдураимова WTA рейтингида 194, Учижима эса 163-ўринни эгаллаб турибди.