25 янв 14:51
Янгиликлар

Теннис

Нигина Абдураимова Пунада 1/4 финалга чиқди

Ҳиндистоннинг Пуна шаҳрида теннис бўйича W40 Pune турнири бўлиб ўтмоқда.

Мукофот жамғармаси 40 000 АҚШ долларини ташкил қилувчи турнирда ҳамюртимиз Нигина Абдураимова ҳам иштирок этяпти. Мамлакатимизнинг биринчи ракеткаси бироз аввал якунига етган 1/8 финал учрашувида осон ғалабага эришди.

Турнирда иккинчи рақам остида таснифланган Абдураимова россиялик Дарья Кудашовани 6/2, 6/1 ҳисобида доғда қолдирди. Кеча Нигина 1/16 финалда латвиялик Диана Марцинкевични 6/2, 6/0 ҳисобида мағлубиятга учратган эди.

Таққослаш учун, Нигина WTA рейтингида 176, Дарья 409, Диана эса 374-ўринни эгаллаб турибди.