Нигина Абдураимова "Уимблдон"даги илк ўйинини ўтказди

Ушбу мусобақада Ўзбекистондан ягона вакил - Нигина Абдураимова иштирок этиши ҳақида аввалроқ хабар қилгандик. 

Ҳамюртимиз мусобақадаги иштирокини саралаш босқичидан бошлади. У илк даврада япониялик Моюка Учижимага қарши кортга чиқди. 

2 соат 10 дақиқа давом этган ўйинда афсуски Нигина 6:7, 6:4, 4:6 ҳисобларида имкониятни бой берди ва мусобақадаги иштирокини илк саралаш босқичидаёқ якунлади. 

Бу теннисчиларнинг ўзаро 5-ўйини эди. Учрашувларнинг барчасида япониялик теннисчи ғалаба қозонган. 

Нигина ушбу иштироки орқали 16 138 доллар пул ишлаб олди.