Нигина Австрия турнирида 1/4 финалга чиқди

Ушбу мусобақада мамлакатимизнинг биринчи ракеткаси Нигина Абдураимова ҳам муваффақиятли иштирок этяпти. Теннисчимиз биринчи босқичда мезбон Мелани Клаффнерни қийинчилик (6:4, 6:7, 6:4) билан мағлубиятга учратган эди. 

Турнирда учинчи рақам остида таснифланган Нигина бироз аввал якунига етган 1/8 финалда ҳам ғалаба нашидасини сурди. Ҳамюртимиз 101 дақиқа давом этган баҳсда россиялик Виктория Канни 6/3, 6/4 ҳисобида таслим этди. 

Таққослаш учун, Нигина жаҳон рейтингида 194, Клаффнер 1316, Кан эса 784-поғонадан жой олган. Абдураимованинг 1/4 финалдаги рақиби бироздан сўнг бошланадиган Юлия Авдеева (Россия) - Мирьям Булгару (Руминия) учрашувида аниқланади.