01 сен 08:22
Янгиликлар

Теннис

Нигина Нидерландия турнирида 1/4 финалга чиқди

Нидерландиянинг Оверэйсел провинцияси Олдензал шаҳрида теннис бўйича WTA40 тоифасига кирувчи турнир давом этмоқда.

Ушбу мусобақада ҳамюртимиз Нигина Абдураимова ҳам муваффақиятли иштирок этяпти. Мамлакатимизнинг биринчи ракеткаси 1/8 финалда германиялик Лилли Стеурга қарши кортга чиқди ва рақибасини 3/6, 6/3, 6/1 ҳисобида мағлубиятга учратди. Бу теннисчиларнинг ўзаро ўтказган илк учрашуви эди.

Таққослаш учун, Абдураимова WTA рейтингида 194, Стеур эса 649-ўринни эгаллаб турибди. Турнирда учинчи рақам остида таснифланган Нигина бугун ярим финал чиптаси учун дунёнинг роппа-роса 300-ракеткаси бўлиб турган нидерландиялик Эва Веддерга қарши баҳс олиб боради.