Нигина Ўктамова, Зайнаб Дайибекова, Гулноза Матниязова ва бошқа спортчиларимиз "Шуҳрат" медали билан мукофотланди

Фармонда таъкидланишича, бугунги кунда янги Ўзбекистон ёшларига ҳар томонлама эътибор ва ғамхўрлик кўрсатиш мамлакатимизда олиб борилаётган давлат сиёсатининг энг муҳим ва устувор йўналишига айланмоқда. Жисмоний ва маънавий баркамол авлодни тарбиялаб вояга етказишдек умуммиллий мақсадни амалга ошириш учун давлатимиз ва жамиятимизнинг барча куч ва имкониятлари сафарбар этилмоқда.

Бу жараёнда ўз тақдири ва келажагини Ватанимиз тақдири ва истиқболи билан узвий боғлиқ ҳолда кўрадиган, шу йўлда ҳар қандай синов ва машаққатларни енгиб ўтишга, жасорат ва матонат кўрсатишга тайёр бўлган, замонавий билим ва касб-ҳунарларни чуқур эгаллаган ўғил-қизларимиз сафи тобора кенгайиб бораётганини алоҳида таъкидлаш лозим.

Ўзининг ижодий ва интеллектуал салоҳияти, танлаган касб йўналиши ва ижтимоий ҳаётда эришган муҳим натижалари билан турли соҳаларда юртимиз равнақига, унинг халқаро обрў-эътиборини юксалтиришга муносиб ҳисса қўшаётган, тенгдошларига ўрнак ва намуна бўлиб келаётган фаол ва етакчи ёшларимиздан бир гуруҳи юксак давлат мукофотлари билан тақдирланди.

Улар қаторида бир гуруҳ спортчи ёшларимизнинг ҳам борлиги бизни қувонтиради. Қуйида мукофотга сазовор бўлган спортчи ёшларимиз билан танишинг:

«Шуҳрат» медали билан:

Абдуллаев Ғуломжон Озодович – эркин кураш бўйича Ўзбекистон миллий терма жамоаси аъзоси;

Бердимуратов Жалгасбай Карлибай ули – юнон-рум кураши бўйича Ўзбекистон миллий терма жамоаси аъзоси;

Дайибекова Зайнаб Казбековна – қиличбозлик бўйича Ўзбекистон миллий терма жамоаси аъзоси;

Матниязова Гулноза Жумабой қизи – дзюдо бўйича Ўзбекистон миллий терма жамоаси аъзоси;

Садуллаева Сафина Эркиновна – енгил атлетика бўйича Ўзбекистон миллий терма жамоаси аъзоси;

Турдибекова Ситора Шавкат қизи – бокс бўйича Ўзбекистон миллий терма жамоаси аъзоси;

Ўктамова Нигина Жасур қизи – бокс бўйича Ўзбекистон миллий терма жамоаси аъзоси.

Жафаров Саиджамшид Рустам ўғли - бокс бўйича Ўзбекистон терма жамоаси аъзоси, Бухоро давлат университетининг 4-босқич талабаси, Бухоро вилояти

Туризм ва спорт вазирлиги матбуот хизмати