Нигора Турсунқулова: "Гран-прида ҳеч қачон осон жанг бўлмайди"

Ўзбекистон таэквондо WT ассоциацияси матбуот хизмати спортчимиз билан суҳбатлашди.

- Японияда ўтган Гран-прида бронза медалга эга чиқдингиз. Таассуротларингиз билан ўртоқлашсангиз.
- Фаолиятим давомида Жаҳон Гран-присида илк бор медаль қўлга киритдим. Бундан жуда ҳам хурсандман. Биз учун қайғуриб, қўллаб турганларга раҳмат айтаман.

- Мусобақадаги қайси жанг энг қийини бўлди?
- Биласизми, Гран-прида осон жанг бўлмайди. Сабаби бу мусобақага сараланган, дунёнинг энг кучли 32та таэквондочиси боради. Шу боис ҳар бир баҳс ўзига яраша қийин ўтади.

- Гран-при бўлиб ўтган Чиба префектурасини айланишга вақт бўлдими?
- Чибани айланишга вақтимиз бўлгани йўқ. Фақат меҳмонхонамиз атрофини сайр қилдик холос. Кейинги йил Олимпиада ўйинларининг таэквондо мусобақалари айнан Чибада ўтказилади. Насиб қилса келгуси йил бу ерга яна келамиз ва айланишга ҳам улгурамиз (кулади).


Ўзбекистон таэквондо WTF ассоциацияси матбуот хизмати