Ниҳоят, Денис Истомин ғалаба билан бошлади

Ҳозиргина якунига етган ва 2 соату 19 дақиқа давом этган 1/16 финал босқичидаги мураккаб баҳсда Истомин мезбон теннисчи Денис Евсеевни уч сет натижасига кўра мағлубиятга учрата олди. Биринчи сетни тай-брекда бой берган ҳамюртимиз кейинги сетларда бир хил 6:3 ҳисобларида ғалаба қозониб, нимчорак финалга йўл олди. 

Энди Денис Истомин чорак финал йўлланмаси учун америкалик Маккензи Макдональдга қарши кортга чиқади. Маккензи бугун 1 соату 1 дақиқа давом этган баҳсда турнирнинг биринчи ракеткаси, қозоғистонлик Михаил Кукушкинни 7:5, 7:5 ҳисобларида таслим эта олди. 

Таққослаш учун, Денис Истомин жаҳон рейтингида 195, Денис Евсеев 390, Маккензи Макдональд эса 139-ўринни эгаллаб турибди. Денис бугуннинг ўзида турнирнинг жуфтлик баҳсларида ҳам кортга чиқали. У айнан яккаликдаги рақиби Евсеев билан тандем ҳосил қилган. Улар португалиялик Фредерико Феррейра Силва ва чехиялик Томас Махак жуфтлигига қарши 1/8 финал ўйинини ўтказади.