26 янв 08:05
Янгиликлар

Теннис

Ниҳоят, Истомин 2022 йилдаги илк ғалабасига эришди

АҚШнинг Огайо штати Коламбус шаҳрида "Челленжер 80" туркумига кирувчи турнир давом этмоқда.

Мукофот жамғармаси 53,120 АҚШ долларини ташкил этувчи "Columbus Challenger 80" мусобақасида ҳамюртимиз Денис Истомин ҳам ўз имкониятини синовдан ўтказяпти.

Мамлакатимизнинг биринчи ракеткаси қуръа натижасига кўра асосий тўрнинг илк даврасида саралаш босқич ғолибларидан бири, германиялик Себастьян Фанселовга қарши кортга чиқди ва 7/5, 1/6, 6/4 ҳисобида ғалаба қозонди. Энди Денис иккинчи босқичда америкалик Женсон Бруксбига қарши баҳс олиб боради.

Маълумот учун, Бруксби турнирнинг биринчи ракеткаси бўлиш билан бирга айни пайтда ATP рейтингида 58-ўринни эгаллаб турибди. Женсон илк даврада ҳамюрти Мишель Крюгердан устун келган.