Ник Кириос фаолиятидаги энг қийин рақиби кимлигини айтди

"Надалга қарши доимо яхши ўйнаганман, у билан муваффақиятли ўйинлар ўтказганман, Федерерга қарши ўйинларда эса ўзимни бир қоп аҳлатдек ҳис қилганман. У қаерда бўлишидан қатъий назар Европа, Америка, Австралия, фарқи йўқ, унинг мухлиси бўлиб қолганман. Барча мухлислар Федерер доимо ғалаба қозонишини истаган, шу сабабли унга қарши ўйинлар қийин ўтарди.

Новакни теннис тарихидаги энг буюк теннисчи деб ҳисоблайман. Мен учун у фаолиятимдаги энг қийин рақиб. У жуда агрессив ўйнаган ва менга нафас олиш учун имконият бермасди.

Менинг услубим - орқа чизиқда агрессив ўйин кўрсатиш эди - Надаль билан бу зўр иш берарди", - деди Кириос.