Никита Цзю ва Майкл Зерафа ўртасидаги жанг ўтказилмаган деб топилди

Жанг кеча Австралиянинг Брисбен шаҳридаги профессионал бокс оқшоми доирасида ташкил этилганди. 

Яшил қитъа боксилари суперўрта вазн тоифасидаги WBO International камари учун кураш олиб боришди. Иккала боксчи ҳам иккинчи раундда бошлари билан тўқнашиб кетишди. Учинчи раунд бошида эса ҳакам жангни тўхтатди ва уни ўтказилмаган деб топди.

Маълумот учун, кичик Цзю 11 та жангда 11 та ғалабага эришган, рақиби ҳисобида эса 34 ғалаба ва 5 та мағлубият бор.