22 июл 08:50
Янгиликлар

Теннис

Nordea Open. Рафаэль Надаль бош соврин учун кортга чиқди

Швециянинг Бостад шаҳрида ўтказилган ATP турнири ўз якунига етди.

Шу кунгача ATP рейтингида 261-поғонадан жой олиб келган грунт қироли Рафаэль Надаль ҳал қилувчи финал учрашувида дунёнинг 51-ракеткаси, португалиялик Нуну Боргешга қарши кортга чиқиб, рақибига 3/6, 2/6 ҳисобида имкониятни бой бериб қўйди.

Бу теннисчиларнинг ўзаро илк ва катта эҳтимол билан сўнгги учрашуви бўлди. Боргеш келажакда невараларига Надални мағлуб этиб, фаолиятидаги илк чемпионлик совринини қўлга киритганини катта завқ билан айтиб беради.

Боргеш фаолиятидаги илк соврин учун 250 рейтинг очкоси ҳамда 88,125 АҚШ доллари миқдорида мукофот пулини қўлга киритди. Надаль эса 165 очко ва 51,400 долларга эга бўлди. Рафа бундан 19 йил аввал, 19 ёшида айнан шу турнирда чемпион бўлган эди.