Норинда оммавий тадбирлар ўтказилмоқда

Наманган вилояти бўйлаб, пандемия даврида жамиятда соғлом турмуш тарзини шакллантириш, касалликларнинг олдини олиш, аҳоли кенг қатламларини, айниқса ёшларни жисмоний тарбия ва спорт билан шуғулланишга жалб этиш, оммавий спортнинг инсон ва оила ҳаётидаги муҳим аҳамиятини тарғиб этиш борасида кенг кўламли ишлар амалга оширилмоқда.

Жумладан, Норин туманида туман спорт бўлими, Болалар-ўсмирлар спорт мактаби ҳамкорлигида тумандаги маҳаллаларнинг нуронийлари, хотин-қизлари ҳамда ёшлар иштирокида оммавий бадантарбия машғулотлари ва “Соғлом ҳаёт учун 5000 қадам” спорт тадбирлари ташкил этилди.

Тадбирларда 1500 нафардан зиёд иштирокчи қатнашди. Иштирок этувчилар спорт инсон саломатлигининг асосий устуни эканлигини қайд этишди. Умумий тарзда оммавий бадантарбия машғулотларидан сўнг иштирокчилар стадион бўйлаб пиёда юриб чиқишди.