22 фев 11:09
Янгиликлар
Олимпия ўйинлари
Норвегия Қишки Олимпиада рекордини ўрнатди
Норвегия терма жамоаси Қишки Олимпия ўйинларида қўлга киритилган олтин медаллар сони бўйича рекорд ўрнатди.
16 кунлик мусобақа якунларига кўра, норвегияликлар 16 та олтин медални қўлга киритишди.
Аввалги рекорд 2010 йилги Ванкувер Олимпиадасида 14 та олтин медалга эга чиққан Канада томонидан ўрнатилган эди. Худди шундай натижани Германия ва Норвегия Пхёнчхан-2018 Олимпиадасида қайд этган.
Шунингдек, Пекинда норвегиялик спортчилар 8 кумуш ва 13 бронза медалини қўлга киритишди. Медаллар жамғариш бўйича Норвегия Олимпия ўйинларини биринчи ўринда якунлади. Иккинчи ўринни Германия (12-10-5) эгаллади. Учинчи ўриндан эса Хитой (9-4-2) жой олди.
Маълумот учун, Норвегия терма жамоаси 24 та қишки Олимпия ўйинларининг барчасида қатнашган ва саккиз марта медаллар жамғариш бўйича Оқ Олимпиадани биринчи ўринда якунлаган.
Ҳавола :
Манба : championat.com
Фикрлар