12 июн 19:37
Янгиликлар

Теннис

Ноттингем (WTA). Марта Костюк ватандошиги ютқазиб қўйди

Дунёнинг 17-ракеткаси Марта Костюк Ноттингем турнирининг илк даврасидаёқ мағлубият аламини тотиб кўрди.

Қизиғи, украиналик теннис маликаси биринчи босқичда WTA рейтингида 127-поғонада бораётган ватандоши Дарья Снигурга 3/6, 3/6 ҳисобида имкониятни бой бериб қўйди. Снигур бу ғалабаси билан ўзаро учрашувлардаги ҳисоб мувозанатини ҳам тиклади - 1:1.

Етмиш дақиқа давом этган баҳсда Костюк 5, Снигур 1 та эйс зарбани амалга оширган. Қўшхатолар Мартада уч баробар кўпроқ бўлди - 6 га 2. Брейклар бўйича устунлик эса табиийки, ғолиб теннисчи томонда - 4 га 1! Энди Дарья WTA 250 тоифасига кирувчи ушбу турнирнинг иккинчи даврасида британиялик Эмма Радукануга қарши кортга чиқади.