03 май 18:32
Янгиликлар

Теннис

Марта Костюк Мадрид WTA 1000 турнири чемпиони!

WTA рейтингида 23-поғонада бораётган украиналик теннис маликаси Марта Костюк Мадрид шаҳрида ўтказилган WTA 1000 тоифасига кирувчи нуфузли турнир ғолибасига айланди.

У ҳал қилувчи финал учрашувида дунёнинг саккизинчи ракеткаси, россиялик 19 ёшли Мирра Андреевани 6/3, 7/5 ҳисобида мағлубиятга учратди. Теннисчиларнинг ўзаро иккинчи учрашувида ҳам Марта Миррадан устун келди - 2:0.

Саксон икки дақиқа давом этган баҳсда Костюк 4, Андреева 1 та эйс зарбасини амалга оширган. Марта ғалабали серияси 12 та учрашувга етди. У бу йил ҳали грунт мавсумида мағлубиятга учрагани йўқ. Бу унинг фаолиятидаги учинчи титул бўлди. Илк бор WTA 1000 тоифасидаги турнир бош совринга эга чиқди.

Mutua Madrid Open турниридаги муваффақиятли иштирок Костюкка 1 007 165 евро мукофот пули ҳамда 1000 рейтинг очкоси келтирди. Андреева эса 535 585 € ҳамда 650 очко ишлаб олди.