Рибакина Майами турниридаги юришини давом эттирмоқда

Қозоғистонлик теннис маликаси учинчи босқичда WTA рейтингида 28-ўринни эгаллаб турган украиналик Марта Костюкни мағлубиятга учратди - 6/3, 6/4. Елена теннисчиларнинг ўзаро учрашувларидаги ҳисобни ўз фойдасига йириклаштирди - 5:2. 

Саксон уч дақиқа давом этган баҳсда Рибакина 1, Костюк 3 та эйс зарбасини амалга оширди. Қўшхатолар Мартада кўпроқ бўлди - 3 га 2. Брейклар бўйича эса Елена устунлик қилди - 2 га 0. Энди у Талия Гибсонга қарши кортга чиқади. Австралиялик теннисчи ўз ўрнида америкалик Ива Йовични 6/2, 6/2 ҳисобида мағлуб этди.