Новак Жокович ATP Finals бош соврини учун кортга чиқади

Ярим финал учрашувида дунёнинг биринчи ва иккинчи ракеткалари - сербиялик Новак Жокович ҳамда испаниялик Карлос Алькараз ўзаро тўқнаш келишди. Роппа-роса 90 дақиқа давом этган баҳсда Новак ортиқча қийинчиликсиз мавсумни якуний қисмини омадсиз ўтказаётган Карлосни мағлубиятга учратди - 6/3, 6/2.

Жокович ушбу ғалаба эвазига теннисчиларнинг ўзаро учрашувлари ҳисобида олдинга чиқиб олди - 2:2. Новак 2, Алькараз 10 та эйс зарбасини амалга оширган. Қўшхатолар иккала теннисчида ҳам 1 тадан бўлди. 

Новак Жокович қаторасига иккинчи йил ҳам ATP Finals финалида ўйнайди. У бош соврин учун италиялик Янник Синнерга қарши кортга чиқади. Гуруҳ босқичидаги учрашувда Янник Новак Жоковични мағлуб этишни уддалаган эди.