13 апр 17:52
Янгиликлар

Теннис

Новак Жокович Надалга тегишли рекордни янгилади

Дунёнинг биринчи ракеткаси Новак Жоковичнинг Монте-Карло "Мастерс" турнирининг 1/2 финалига йўл олгани ҳақида хабар берган эдик.

"Катта Дубулға" туркумига кирувчи турнирларнинг 24 карра ғолиби ўз фаолиятида 77-маротаба "Мастерс" мусобақасининг 1/2 финалида кортга чиқади. Бундан аввалги рекорд Рафаэль Надалга тегишли эди. Испаниялик афсона фаолиятида 76 маротаба "Мастерс" турнирлари ярим финалида кортга чиққанди.

Учинчи ўриндан фаолиятини якунлаган швейцариялик Рожер Федерер (66) жой олган. Британиялик Энди Маррей (33) тўртинчи, америкалик Андре Агасси (32) эса бешинчи ўринни эгаллаб турибди. Бу рекордни яқин йилларда бошқа теннисчи янгилаши мушкул иш.