09 июл 09:33
Янгиликлар

Теннис

Новак Жокович Уимблдон 1/4 финалига чиқди

Дунёнинг иккинчи ракеткаси Новак Жокович "Катта Дубулға" туркумига кирувчи Уимблдон турнирининг чорак финал иштирокчисига айланди.

Сербиялик юлдуз 1/8 финалда ATP рейтингида 15-ўринни эгаллаб турган даниялик Хольгер Рунени уч сет натижасига кўра ортиқча қийинчиликсиз мағлубиятга учратди - 6/3, 6/4, 6/2. Теннисчиларнинг ўзаро учрашувларида Новак олдинда бормоқда - 4:2.

Икки соату уч дақиқа давом этган баҳсда Жокович 5, Руне 3 та эйс зарбасини амалга оширган. Қўшхатолар Хольгерда икки баробар кўпроқ бўлди - 4 га 2. Брейклар бўйича мутлақ устунлик ғолиб теннисчи томонда - 4 га 0!

Новак Жокович фаолиятида 60-маротаба "Катта Дубулға" туркумига кирувчи турнирларнинг 1/4 финалида ўйнайди. У бу босқичга қаторасига 14-бор етиб келди.