13 май 08:57
Янгиликлар

Теннис

Новак Жоковични Рим "Мастерс"да мағлуб этишди

Дунёнинг биринчи ракеткаси Новак Жокович Рим "Мастерс" турниридаги иштирокини якунлади.

Сербиялик теннисчи кутилмаганда Internazionali BNL d'Italia турнирининг учинчи давра учрашувида ATP рейтингида 32-ўринни эгаллаб турган чилилик Алехандро Табилога ютқазиб қўйди - 2/6, 3/6. Бу теннисчиларнинг ўзаро ўтказган илк учрашуви бўлди.

Олтмиш етти дақиқа давом этган баҳсда Жокович 8, Табило 4 та эйс зарбани амалга оширган. Қўшхатолар бўйича Новак мутлақ устун - 5 га 0! Жокович биронта ҳам брейкдан фойдалана олмади. Табилода бу кўрсаткич 4 тани ташкил қилди.