10 май 10:33
Янгиликлар

Спорт курашлари

Нур-Султон турнирида 5 та медаль қўлга киритилди + ФОТО

Қозоғистоннинг Нур-Султон шаҳрида юнон-рум кураши бўйича ёшлар ўртасида ўтказилаётган халқаро хотира турнири ўз якунига етди.

Жаксалик Ушкемпиров хотирасига бағишлаб ташкил этилган анъанавий мусобақада Хайрулла Абдуллаев мураббийлигидаги Ўзбекистон ёшлар терма жамоаси ҳам иштирок этди.

Турнир якунида ёшларимиз томонидан жами 5 та медаль қўлга киритилди. 97 кг вазн тоифасидаги беллашувларда юртимиз шарафини ҳимоя қилган Аброрбек Нурмуҳаммедов олтин, Аброр Атабаев (63 кг), Жамол Жумабоев (72 кг), Шаҳриёр Жўрабоев (87 кг) кумуш, Алимардон Абдуллаев (55 кг) эса бронза медалига сазовор бўлди.