05 мар 15:43
Янгиликлар

Бокс/ММА

Нурсултон Рўзибоев Дрикус Дю Плесси билан жанг қилмоқчи

Теглар : Нурсултон Рўзибоев Дрикус Дю Плесси

Аралаш яккакураш устамиз ўрта вазннинг собиқ чемпиони Дрикус Дю Плессиснинг жанг услуби ҳақида фикр билдириб, билан жанг қилиш истаги борлигини айтди.

"Дрикус Дю Плесси чемпион бўлганида, уни "UFC APEX"да кўрган эдим. Жуда ҳам ноқулай жангчи. Ташқаридан қараганда унда ҳеч нарса йўқдек кўринади - на зарбаси ва на кураши. Тўғри зарба бера олмайди, тўғри тепа олмайди.

Лекин у Роберт Уиттакер, Исраэль Адесанья ва Шон Стрикленд каби юлдузларни мағлуб этиб чемпион бўлган. Унинг сири ва кучи — тўхтовсиз ҳаракатида. Рақиб энди ишлайман дегунча, у тушунарсиз ҳолатларда зарба бераверади.

У билан жанг қилишни хоҳлайман. Бу билан уни кучсиз демоқчи эмасман, у кўпларни ютди. Хамзат билан 5 раунд жанг қилди. Шунчаки, услуб жиҳатидан Плесс билан жанг қилиш мен учун осонроқ кечадигандек туюлмоқда", - деди Рўзибоев.