Нью-Йоркдаги WTA турнирига ҳам қуръа ташланди

Турнир 22-28 август кунлари оралиғида бўлиб ўтади. Аслида ушбу мусобақа Цинцинатти шаҳрида ўтказилиши лозим эди. Лекин коронавирус пандемияси сабаб ўз вақтида ўтказилмади ва кейинчалик Нью-Йоркка кўчирилди.

Чехиялик Каролина Плишкова турнирнинг биринчи ракеткаси сифатида рўйхатга олинди ва илк даврада россиялик Вероника Кудерметова ва австралиялик Айла Томлянович учрашуви ғолибасига қарши кортга чиқади.

Иккинчи ракетка, америкалик София Кенин биринчи босқичда ҳамюрти Кэти Макнейли ёки франциялик Ализе Корне билан тўқнаш келади. Россиялик Екатерина Александрова эса қозоғистонлик Елена Рибакина билан муносабатларига ойдинлик киритиб олади.