ОАВ ходимлари учун Фарғона вилоятида медиа-тур ташкил этилди

Журналистлар дастлаб, Mарғилон поезд вокзалида вилоят Жисмоний тарбия ва спорт бошқармаси томонидан журналистлар учун тантанали кутиб олиш маросими ташкил этилди.

Шундан сўнг, оммавий ахборот воситалари ходимлари Mарғилон шаҳрида жойлашган 2-сонли болалар ва ўсимлар спорт мактабида ўтказилган бокс бўйича ўсмирлар ўртасида ташкил этилган Ўзбекистон кубоги гувоҳига айланишди ва мактаб фаолияти билан танишишди.

Кейинги манзил эса Қувасой туманида жойлашган "Водий тулпорлари" спорт мажмуаси бўлди. У ерда оммавий ахборот воситалари ходимлари мажмуадаги от заводи фаолияти, спортчиларнинг машғулотлари ва кўргазмали чиқишларга гувоҳ бўлишди. 

Кун сўнггида эса журналистлар Фарғона шаҳридаги вилоят жисмоний тарбия ва спорт бошқармаси ҳузуридаги "Aли" бокс клуби фаолияти билан ҳам танишиб, спортчиларнинг машғулот олиб бориш жараёнларини кузатишди.