25 апр 17:00
Янгиликлар

Теннис

Oeiras Ladies Open. Полина Кудерметова финалда!

Теглар : Полина Кудерметова Oeiras Ladies Open

Португалиянинг Оэйраш шаҳрида теннис бўйича мукофот жамғармаси 195,652 еврони ташкил этувчи турнир давом этмоқда.

Мусобақанинг саралаш баҳсларидаги икки ғалабаси эвазига асосий тўрга йўлланма олган мамлакатимизнинг иккинчи ракеткаси Полина Кудерметова финалгача етиб келди. У бироз аввал якунига етган 1/2 финалда америкалик Уитни Осигвени мағлубиятга учратди.

Тўқсон икки дақиқа давом этган учрашувда вакиламиз икки сетда ҳам бир хил ҳисобда ғалаба қозонди - 6/4, 6/4. Уитни WTA рейтингида 180, Кудерметова эса 137-ўринни эгаллаб турибди. Бу теннисчиларнинг ўзаро ўтказган илк учрашуви бўлди. Иккала теннисчи ҳам бугун эйс зарбасини ижро эта олмади. Қўшхатолар Уитнида икки баробар кўпроқ бўлди - 4 га 2.