30 сен 20:18
Янгиликлар

Гимнастика

Оксана Чусовитина Париждаги Жаҳон кубогида олтин медалга эга чиқди

Франция пойтахти Париж шаҳрида спорт гимнастикаси бўйича Жаҳон кубоги баҳслари ўтказилиши ҳақида хабар бергандик.

Ушбу нуфузли мусобақада юртимиз шарафини афсонавий Оксана Чусовитина ҳимоя қилмоқда.

Ҳамюртимиз бугун таяниб сакраш машқларида чиқиш қилди ва энг юқори баллни тўплаб, олтин медаль соҳибасига айланди. Иккинчи ва учинчи ўринлар мос равишда Канада ва Словения терма жамоаси аъзоларига насиб қилди.

Эслатиб ўтамиз, ушбу мусобақа Токио 2020 Олимпия ўйинлари учун муҳим бўлган рейтинг очколарини тақдим этади.