Ольга Забелинская икки йўналишда жаҳон чемпионатига йўлланма олди

Эътиборлиси, унда терма жамоамиз вакили Ольга Забелинская ҳам иштирок этди.

Юртдошимиз мусобақа давомида гарчи совринли ўринлардан бирига илина олмаган бўлса-да, асосий вазифа – икки йўналишда (омниум ва очколар пойгаси) жаҳон чемпионатига йўлланмани қўлга киритди. Аҳамиятлиси, келаси ой Германияда ўтадиган трек бўйича дунё биринчилиги Токио-2020 Олимпия ўйинлари учун рейтинг очколарини берувчи сўнгги мусобақадир.

Регламентга кўра, омниум йўналишида 2019 йил 6 июлидан бошлаб, 2020 йил 1 мартига қадар Олимпиада рейтингида кучли 20 таликдан жой олган атлетлар Токио-2020 йўлланмасига эга бўлишади.

Эслатиб ўтамиз, Ольга Забелинская ҳисобида шосседаги гуруҳ пойгаси йўналишида Токио-2020 лицензияси мавжуд. Бўлажак мусобақада ҳамюртимиз яна бир Олимпиада йўлланмасига эга бўлишини тилаб қоламиз.