Ольга Забелинская жаҳон чемпионатидаги иштирокини якунлади

Бироз аввал аёллар ўртасида очколар пойгаси бўйича кечган беллашув якунланди.

Хабар берганимиздек, ушбу йўналишда Ольга Забелинская юртимиз шарафини ҳимоя қилди. Кескин ва муросасиз кечган пойгаларда юртдошимиз тўртинчи ўринни эгаллади. Учинчи ўрин эгаси билан ҳамюртимизни атиги 2 очко ажратиб турди.

Велотрек бўйича ЖЧ.
Аёллар, очколар пойгаси.
1. Элинор Беркер (Буюк Британия) – 50 очко
2. Женнифер Валенте (АҚШ) – 34
3. Анита Стенберг (Норвегия) – 33
4. Ольга Забелинская (Ўзбекистон) – 31

Эслатиб ўтамиз, ушбу йўналиш Олимпия ўйинлари дастурига киритилмаган. Юртдошимиз омниум баҳсида 19-натижани қайд этган. Шундай бўлса-да, Забелинская аёллар ўртасида велотрек бўйича жаҳон чемпионатларида юртимиз шарафини ҳимоя қилган илк спортчи сифатида тарихда қолмоқда.