01 мар 11:34
Янгиликлар

Велоспорт

Ольга Забелинская ва 5 нафар велоспортчимиз Хорватиядаги турнирда иштирок этади

Велоспортнинг шоссе йўналиши бўйича Ўзбекистон аёллар терма жамоасининг асосини ташкил этувчи "Tashkent City Women Team" клуби Хорватияга етиб борди.

Спортчиларимиз у ерда 1 ва 5 март кунлари ташкил этиладиган бир кунлик халқаро мусобақаларда иштирок этишади. 1 март куни бўлиб ўтадиган "Umag Trophy Ladies Croatia" пойгаси 112 км, 5 март кунига белгиланган "Poreč Trophy LADIES Croatia" эса 96 км масофани ўз ичига олади.

Жамоамиз таркибидан тажрибали Ольга Забелинская қатори Янина Кускова, Маргарита Мисюрина, Севинч Йўлдошева, София Каримова ҳамда Нафосат Қўзиева жой олган. Мусобақа жаҳон ва Париж-2024 Олимпиадаси рейтинги учун қимматли очколарини тақдим этади.