08 янв 07:38
Янгиликлар

Велоспорт

Россиялик Европа чемпиони ўзбек велоспорти учун илк медалини тақдим этди

Айни кунларда Малайзиянинг Нилай шаҳрида велотрек бўйича “Asean Track Series” мусобақаси ўтказилмоқда.

Турнирнинг илк кунида Ўзбекистон терма жамоаси аъзосига айланган асли россиялик Сергей Ростовцев олтин медалга сазовор бўлди. Спортчимиз ушбу муваффақиятга омниум йўналишида эришди.

Қайд этиш жоиз, икки босқичда ташкил этиладиган мазкур турнирда 6 нафар ҳамюртимиз янги мураббийлар Йохан Донбуш (Германия) ва Ольга Забелинская қўл остида қатнашишмоқда.

Шунингдек, мусобақанинг кечаги кунида Нафосат Козиева чиқариб юбориш гуруҳ пойгасида учинчи натижани қайд этиб, бронза медалини қўлга киритди.