Олим Ҳикматов: Карантинда бўш ўтириш йўқ!

Терма жамоа шифокор ва мураббийлари ўз шогирдларини масофадан туриб назорат қилиб боришяпти. Эркин кураш бўйича терма жамоа бош мураббийи Олим Ҳикматов бу жараённи шахсан ўзи назорат қилиб, спортчиларга тегилши кўрсатмаларни бермоқда.  

"Ҳаммамиз бутун дунёда бўлгани каби синовли кунлардамиз. Ҳозирги ҳолатда коронавирусни енгишнинг энг мақбул варианти ўз уйимизда қолиш, зарурат бўлмаганда кўчага чиқмасликдир. Карантин ҳолатида бўлишимизга қарамай, уйда бўш ўтириш йўқ. Мусобақалардаги шогирдларимизнинг иштирокларини муҳокама қиляпмиз. Рақибларни ўрганяпмиз ва шу асосида тайёргарлик машғулотлари режасини ишлаб чиқяпмиз. Насиб қилса, бу кунлар ҳам тез орада ўтиб кетади", - дейди Олим Ҳикматов.