Олимпиада-2022. Россия фигурали учиш бўйича жамоавий баҳсларда олтин медални қўлга киритди + ФОТО

Бироз аввал Россия терма жамоаси Олимпия ўйинларида фигурали учиш бўйича жамоавий баҳслар якунига кўра ғолиб чиқди. Кумуш медаль АҚШ терма жамоасига насиб этди. Бронза медалига эса Япония терма жамоаси вакиллари эга чиқишди.

Камила Валиева, Марк Кондратюк, Анастасия Мишина / Александр Галлямов и Виктория Синицина / Никита Кацалапов фигурали учиш бўйича Россия терма жамоаси таркибида Олимпия ўйинлари чемпиони бўлишди. 

Фигурали учиш бўйича ушбу баҳс якунланганидан сўнг ғолиб ва совриндорларга фақатгина маскотлар топширилди. Олимпиада медали эса бугун кечки вақтда топширилиши маълум қилинган.

Маълумот учун, Бугун Олимпиада чемпионлигини қўлга киритган Камила Валиева Россия терма жамоасининг энг ёш вакилларидан бири ҳисобланади. У 15 ёшида оқ Олимпиаданинг чемпионига айланди.  

Фигурали учиш жамоавий баҳслар:

РОҚ - 74 балл

АҚШ - 65

Япония - 63

Канада - 53

Хитой 50