Олимпиада лицензианти Жалгасбай Бердимуратов Осиё чемпиони + ФОТО

Бугун қитъа чемпионатида юнон-рум кураши бўйича беллашувлар давом эттирилиб, барча вазн тоифаларида ғолиб ва совриндорлар номи маълум бўлди. 

Қувонарлиси, 82 кг вазн тоифасида юртимиз шарафини ҳимоя қилган Жалгасбай Бердимуратов Осиё чемпионатининг олтин медалини қўлга киритди. Қорақалпоқ ўғлони Токио Олимпиадаси йўлланмасини 2019 йилда айнан Қозоғистонда ўтган жаҳон чемпионатида нақд қилганди.   

Бердимуратов биринчи даврада эронлик Маҳди Асгар Эбраҳимини 6-0 ҳисобида мағлубиятга учратди. Кейин эса қирғизистонлик Калидин Асикеевга 1-3 ҳисобида имкониятни бой бериб қўйди. Ярим финалда япониялик Сатоки Мукаини 3-2 ҳисобида таслим этган Жалгасбай олтин медал учун кечган беллашувда қирғизистонлик Асикеевдан учинчи босқичдаги мағлубият учун реванш олди - 3-1!