Олимпиада нормативини бажарган сузувчиларимиз 2 нафарга етди

Мазкур йўналишда Олимпия ўйинлари учун квалификация вақти 59.93 сонияни ташкил қилар эди.

100 метрга брасс усулида сузиш бўйича баҳс олиб борган ҳамюртимиз Владислав Мустафин 59.89 сония натижа қайд этиб, Олимпиада нормативини бажарди. Мазкур йўналишда Олимпия ўйинлари учун квалификация вақти 59.93 сонияни ташкил қилар эди.

Эслатиб ўтамиз, мусобақанинг биринчи кун доирасида ҳамюртимиз Хуршид Турсунов 100 метрга эркин усулда сузиш баҳсида ҳам Олимпиада нормативини бажарган эди. Ана энди турнирнинг расмий натижалари Халқаро сув спорти федерациясига тақдим этилади. Ташкилот натижаларни тасдиқлагач расмий равишда ҳамюртларимизни Токио Олимпиадасининг 2 та лицензияси билан тақдирлаш мумкин бўлади.